AL BATTESMO GENERAL di Davide Varoli
(raccolta da Camillo Talamini)
Al batessmo general
prima quei dla jesa e pò quei d’val
ma par farlo pù cumpresa
prima quei d’val e pò quei d’la jesa.
Ciava ussi ien i Ramaia
E i Baghin i gla sbaraia.
Faccia d’fer ien i Timoti;
luscier i Barunzin;
gratta zucche ien i Miin;
ciappa tutto ien i Cudai
e pral bagn e pral sutu
i Cudai i ciappin tutu.
Bel usel iera Lurenzu
e al papà iga steva arentru.
A muntema la saletta
battulela la Lisabetta.
Tenda fer era Isepo
e Andrea iera perfetto.
Furbaciun ien i Tatoni
guasta e cunza ien i Paulin;
Presidenti i Buscain
guasta raza ien i Baldin
Granduca quei dla Zoppa
bucca suta i Flippin
batta luma ien i Carlin
scuga vacche ien i Zozza
senza razza i Baldassin
canunieri i Capurai
magna ratti i Cudalin
leca luma ie u Nudar
quel chi treva i veu l’car.
Se avrei saver chi ie stà al gran poeta
ie stà al caga d’la Saeta.
IL DUCA BUSTRINUN di Davide Varoli
(raccolta da Camillo Talamini)
Lera u dì d’Pasqua
Festa d’ nostar Signur,
I fè da Giuda traditur
i piè la Pasqua
E i basè u Signur.
I Ghdisse al fieu:
teu te zuvin
e atmandrò a Val;
tutti i t’audran;
meu, a sun veciu
e inghe pens’ran.
I spiè na scattla d’zuffranei
e i zendè al feugu
an ti Burei;e par darse pu da lagn
i szandè un mazu da scorze d’castagn.
I zandè al feugu su pral canà
e il taccheva ad zà e dlà.
Quand i fu an queul dou Sartur
I santiva al feugu chi feva rumur.
Quand i fu alla Casinazza
I neva brusà 555000 brazza;
quand i fu an queul di Canel
i viste là che i gherin an trei.
Lu i pensò, l’anma puttana,
“ s’imacciapin agò la cundana”
E par far al fuggiattiv
I scappuzzè an tal pu cattiv.
A cocù a cocù
i fe salti che non pu
cun i pè e cun al man
i salteva com un can.
E poi i è andà an tar canà:
“ O d’Arzilà, già ch,a m’ei ruvinà,
ciapèm su, purtem a cà,,
Queui dal Zilà i smissin cumpassiun
il purtenin alla strà
e icfenin al bastun..
Zunt a cà
“Ne, papà, disse l’fieu,
a ghera anzun quand a te strinà?
S’aghera sultantu un testimoni
I vmangin tut al patrimoni.”
Ma al mei pensar i fui u seu
che i dunnè tut al fieu.
E i lassè un stinqu
Parq’islasfrasin fra d’lur
U tribunal cun u dutur.